اسال روحك

غناء / ام كلثوم
 
انا غيرني عذابي في حبك بعد ما كان املي مصبرني
غدرك بيه اثر فيه
واتغيرت شويه شويه اتغيرت ومش بأيديه
وبديت اطوي حنيني اليك واكره ضعفي وصبري عليك
واخترت ابعد وعرفت اعند
حتي الهجر قدرت عليه شوف القسوه بتعمل ايه
كنت زمان بالاقيك بحناني بحر محبه وبر امان
كنت باحس ان انت زمانيويومي وبكره وبعده كمان
كنت باشوفك بعيون حبي وانت بعيد وانت بقربي
اقرب من بسمتي  لشفايفي اقرب من احساسي لقلبي
بعد الود اللي راعيتهولك بعد الحب اللي وهبتهولك
غدرك بيه اثر فيه
واتغيرت شويه شويه اتغيرت ومش بأيديه
انا مانسيتش الحب وعهده ولا ايامه ولا لياليه
اما ان كان عالحب لوحده من غير ظلمك اهلا بيه
دأنا حيرني هواك وانا علشان انساك
بابعد عن كل مكان رحته ولو مره معاك
واهرب من اقرب ناس يعرفوا قصتي وياك
وبغير اي كلام بيجيب سيره لذكراك
وصلتني للحال دهبأيديك بعد ما كنت روحي في ايديك
سيبتك من غير حتي ما افكر حاقدر اسيبك او مش حاقدر
غدرك بيه اثر فيه
واتغيرت شويه شويه اتغيرت ومش بايديه
اسال روحك اسال قلبك قبل ده كله اتغيروا ليه
انا غيرني في حبك لكن انت غيرك ايه
هو حناني عليك قساك حتي عليه
والارضايا عليك قساك حتي عليه
والارضايا كان خلاك تلعب بيه
والاتسامح روحي معاك غرك فيه
انا يا حبيبي صحيح باتسامح الا في عزه نفسي وحبي
وما يفيض بي ما عرف اصالح واعرف لحبي كتير علي قلبي
غدرك بيه اثر فيه
واتغيرت شويه شويه اتغيرت ومش بأيديه
وبديت اطوي حنيني اليك واكره ضعفي وصبري عليك
واخترت ابعد وعرفت اعند حتي الهجر قدرت عليه
وانت ياعيني لو في مكاني كنت حاتعمل غير كده ايه
اسأل روحك
اسأل روحك اسأل قلبك قبل ماتسأل ايه غيرني