أنت عمري
تأليف : احمد شفيق كامل
رجعوني عنيك لأيامي اللى راحوا
علموني أندم على الماضي و جراحه
اللي شفته قبل ما تشوفك عينيه
عمر ضايع يحسبوه إزاى عليّ
انت عمري اللى ابتدى بنورك صباحه
قد إيه من عمري قبلك راح و عدى
يا حبيبي قد إيه من عمري راح
ولا شاف القلب قبلك فرحة واحدة
ولا داق فى الدنيا غير طعم الجراح
إبتد يت دلوقت بس أحب عمري
إبتديت دلوقت أخاف لا العمر يجري
كل فرحة اشتاقها من قبلك خيالي
التقاها في نور عينيك قلبي و فكري
يا حياة قلبي يا أغلى من حياتي
ليه ما قابلنيش هواك يا حبيبي بدري
اللي شفته قبل ما تشوفك عينيه
عمر ضايع يحسبوه إزاى عليّ
انت عمري اللى ابتدى بنورك صباحه
الليالي الحلوة و الشوق و المحبة
من زمان و القلب شايلهم عشانك
دوق معايا الحب دوق حبة حبة
من حنان قلبي اللى طال شوقه لحنانك
هات عينيك تسرح فى دنيتهم عينيه
هات ايديك ترتاح للمستهم ايديه
يا حبيبي تعالى و كفاية اللى فاتنا
هو فاتنا يا حبيب الروح شوية
اللي شفته قبل ما تشوفك عينيه
عمر ضايع يحسبوه إزاى عليّ
انت عمري اللى ابتدى بنورك صباحه
يا أغلى من أيامي يا أحلى من أحلامي
خدني لحنانك خدني عن الوجود و ابعدني
بعيد بعيد أنا و انت بعيد بعيد وحدينا
ع الحب تصحى أيامنا ع الشوق تنام ليالينا
صالحت بيك أيامي سامحت بيك الزمن
نستنى بيك آلامي و نسيت معاك الشجن
رجعوني عنيك لأيامي اللى راحوا
علموني أندم على الماضي و جراحه
اللي شفته قبل ما تشوفك عينيه
عمر ضايع يحسبوه إزاى عليّ