هوي المصيف
بهواك يا هوي المصايف
بهواك وانا قلبي خايف
لو أجيلك السنه دي
تجرحني حد عارف
ما هو الصيف اللي فات
أنا راجعه بذكريات
وحكايه كتير بتحصل
لكتير قوي م البنات
طمني وقول تعالي
مش دايما بحري عالي
بهواك بهواك
يا هوي المصايف
بحب البحر لكن
ما أنزلش البحر أعوم
واحب موجه ساكن
وأقول ياريت يدوم
واختاري لي حته رايقه
بتبعدني عن المدايقه
من غير نا أشعر وأحس
لمستي الكوره لمس
ووراها أحلي حس
رفعت عينيه أبص
ع اللي جري لعقلي
لما قابلت عينيه
شئ كده هزني كلي
سلم قلبي اليه
وهويت وغويت
يا هوي يا هوي
يا هوي المصايف
يا خساره يا خساره
يا خساره الحلم ما يكملشي
يا خساره يا خساره
يا خساره الحلم ما طولشي
ده هوانا كان بيت من رمله
الموج دوبه ما استحملش
راح فين راح فين
راح حبيبي يا بير مسعود
راح فين راح فين
راح فين كده من غير مايقول
هايجيني ولا مش هايعود
لو أجيلك السنه دي تداويني
ما انت عارف جرح الصيف
اللي فات وألام الذكريات
وحكايه كتير بتحصل
لكتير قوي م البنات
طمني وقول تعالي
مش دايما بحري عالي
بهواك بهواك
يا هوي المصايف