ضباب الغيرة رعدك هدر من غير مطر شتت تيراب الأمل من غير حسابات للخطر *** راهنت بيك خيل الزمان وانا مالي ايدي من القدر لكن كبت خيل الرهان كانت وعود ريدك خدر *** شايلاكي أجنحة الغرور أغراكي واعماكي البطر شوفي الغرور وداكي وين لا نلتي غاية ولا وطر *** شوش ضباب الغيرة فيك وهمك على الغير انحصر وانا في البصيرة رميت عشم تاريها أوهى من البصر *** ما كل جميل راعي الجميل ولا كل ريد عاش وازدهر كل البنيته عليكي ضاع واتلاشى في غفلة دهر ..