طبل الفرحة أفرد خاطرك ليه تتألم تخفي مشاعرك ليه تتكتم *** سيبني أخفف من احزانك قصدي أشيلها معاك الشيلة لما يفوت الحزن ملامحك كل الدنيا بتبدو جميلة *** انت دواخلك عامره وطيبة ما بتستاهل تحزن ليله مره بتسخى الدنيا وتدي ومره بترجع تبقى بخيلة *** ما اتعودنا نشوفك عابس تبكي علي أيامك تندم وانت البهجة الماليه عمرنا وتشرق بالافراح تتهندم *** لو جافاك الحظ لى لحظة جرحي بكون لى جرحك بلسم وزي ما ادتني الفرحة عيونك بينا الحزن كمان يتقسم