الريد الجديد

 

لو قلبك اترجاك

حاول تجاريهو

لو يوم هداك إلي

ما تعاندو .. تحميهو

        ***

أفتح كتاب الريد

شوف سيرتك الفيهو

كيفن جلت صدره

وزانت حواشيهو

***

الريد اذا فاض بيك

ما بصح .. تداريهو

عهد المودة أمان

بس انت باريهو

       ***

درب الأمل مفتوح

 للناوي يمشيهو

سوقني النتموا معاك

واعين نعديهو

ما تخاف من المجهول

وما يحيرك تيهو

لازم نصل حده

ونهزم عواتيهو

       ***

قيس حجة المهزوم

ليه بس نحاكيهو

ماريدنا شكله جديد

نحيا ونعيش ليهو