سحر المشاعر قولي عشاني جيتي انا .. ماجيت عشانك ابقي عيون زماني وببقى حصون امانك *** هل جربتي مرة سهر الغاب حبيبه ؟! او صحاكي شوقك لمن زاد لهيبه ؟! ما اتمنيتي غايبك احلامك تجيبه تحميهو في عيونك خوف العين تصيبه *** ما تداري المشاعر والعاطفة الرقيقة فاضحنك عيونك وبيقولوا الحقيقة قالوا هوانا عندك باقي هدى وطريقة والذكرى في لسانك على راس كل دقيقة *** بي سحر المشاعر صرحي ما تخافي البيناتنا اكبر .. مما يبقى خافي للعايشين معانا بلسم ريده شافي وللجايين ورانا يبقى هدى ومرافي