ولا يهمك

و لايهمك

مصيرها الدنيا تبسم ليك

تضاريك وتزيل همك

        ***

يكفيك

انك اخلصت

وصلت مع الحبيب حده

واديتو الوراك ومعاك

ومصيرك اضحى في يده

بكل حواسك اخلصت

وما اتمنيت حبيب بعده

        ***

قلوب الناس

تلوم الريد

والريد يشكي من زمنه

والزمن

 انشرح ضاحك

يقسم للقلوب محنه

اريت

 لو ليهو قلب يريد

عشان بالمحنة نمتحنه

***

لو تابعت

شرع الريد

مؤكد تصدق احلامه

مرة فراق .. ومرة لقا

فرح مترادفه ايامه

واذا ظلموك احبابك

زمانك ظالمة احكامه