يالديمه في الخاطر

طوالي   في  الخاطر                                  

لو غبت أو حاضر

يوماتي    ذاكرنك

يا ناسي  يا هاجر

      ***

كانت  تباريحك

تملا العمر إشراق

والخاطر ألما نساك

ناداك شجن وأشواق

قلب الهوي الغناك

ملا بيك سما الأفاق

ورد العمر فتح.. بي ذكرتك دفاق

      ***

حاشاك من النسيان

ريدك سبق زمنه

انت البعدت براك

اهو كله بي تمنه

فاقداك دواخل الريد

يا منبعو وشجنه

انا لو نسيت عينيك .. في الدنيا راجي شنو

عشم العمر انك

نصحي ومصابحنك

يشرق عمرنا معاك

ضحوه و مماسنك

ونستنا بي عينيك

حتي الحلم عنك

نتحاشي كيف ذكراك .. وين نحن لاقنك ¿!

يا الديمه في الخاطر