ردك باين

حاسي وعارف ... وردك باين من عنوانه

ومين العارف ..... يمكن يحن الدم للكانه

وقلت أجازف يا الرجعت الشوق أوطانه

                ***

أنا خصيتك ..

وصاح إخترتك دون الدنيا

وأنا داريتك ..

 يا الرددتك نغمة وغنية

ويا ما هديتك ..

 وانت براك هديت المنيه

                ***

ما تتعقد ..

قربك يوم ما ضقت أمانو

كان شئ مؤكد ..

كل احساس يتخت مكانو

حالف و بشهد ..

انو الريد غلاب سلطانو

               ***

ما تتألم ..

 أصله الأسى لا بجيب لا بودي

حاسب وأعلم ..

عاتي الشوق لابد .. يهدي

بس اتعلم ..

زي ما بتاخد .. لازم تدي