قلايـــــــــــــــــــــــد
 
إلاَ البكا لا تظهِرِه للعدوّين
إبكى و لكن بين نفسك و بينك
يا شاعرِ كم ضيّعته العناوين
و احتارت قلوب المودّين وينك
مثل الطيوف اللَي غفت بين رمشين
أغفيت و اغفى في قصيدك حنينك
مثل الطيور اللَي تريح الجناحين
على غصونٍ بعضها في يدينك
يا مسافرٍ ما فارق الدَار يومين
إلاَ وكاد الشوق يفضَح أنينك
يا هاجرٍ غير الرفاق الموافين
يا كيف تلقى لك رفيقٍ يعينك
إطوي على جرحٍ من الماضي سنين
و اسأل عن جروح الليالي سنينك
تعال و اضحَك .. كل ونّه لها حين
لا تاخذ الونّات شِعر و تلاحين
يا ناثر الونّات شِعر و تلاحين
قالوا قصيدك في نَحَر عاشقينك
قلايدٍ ما مثلها لاق للعين
غنّت بها عذرا هواها لعينك