الليله الكبيره

 غناء الشيخ سيد مكاوي

*

**

قبه سيدنا الوالي دي نوروها
محلا البيارق و الناس بيزوروها
قبه سيدنا الوالي في الجو عاليه
محلا البيارق لما نوروها
حمص حمص دا اللي ماينقص
عمار يرقص يرقص و يقول
اللي شاف حمص و الا كلشي
حب و اتلوع و لا طالشي
بسترك هات حبه بقرش
حمص حمص حمص
إسعي إسعي إسعي إسعي
خدلك صوره سته في تسعه
إسعي إسعي إسعي إسعي
ياسي عجوره النار خسعه
الله الله الله الله
عجميه باللوز طعميه أراجوز
اليله الكبيره يا عمي و العالم كتيره
ماليين الشوادر يابا في الريف و البنادر
دول فلاحين و دول صعايده
دول من القنال و دول رشايده
يا حضره الأراجوز قولي
نعم يا عمده عاوز إيه
منين يروحوا لمتولي
إمدح نبينا و صلي عليه
اللهم صلي عليه
تمشي كده علي طول علي طول
لحد ما تلاقي عماره
تكسر يمين تلقي بتاع فول
دكانته علي ناصيه حاره
تدخل يمينك و شمالك
شارعين و في التالت تكسر
شارعين و في التالت أكسر
علي اليمين واخد بالك
و تمشي علي طول تتمخطر
و أمشي علي طول و أتمختر
تفضل كده تمشي و تلف
و تخش من مطرح ما طلعت
و أخش من مطرح ما طلعت
و لما تلقي مقله لب
تعرف بإنك توهت و ضعت
دي وصفه سهله قوي قوي
دي وصفه هايله قوي قوي
مع السلامه يابو عمه مايله
فتح عينك تاكل ملبن
فينك فينك تاكل ملبن
إوعي لجيبك لا العيب عيبك
قرب جرب نشن وسطن إيدك و سطن
إضىىىىىىىىىرب
يحميك يا بني تبقي غالبني
قرب خدلك حته ملبن
فريره للعيل يابو العيال ميل
خدلك سبع فرافير
زماره شخليله عصفوره يا حليله
طراطير يا واد طراطير
طراطير طراطير طراطير
الليله الليله السيرك تعالوا
دي فرجه تساوي جنيه قولوا هيه
بمناسبه هذا المولد يا ولاد
برنامج سواريه قولوا هيه
في السيرك شجيع يهجم عالسبع
و يركب دوغري عليه قولوا هيه
و بنات قمرات زي الشربات
حلوين مش عارف ليه قولوا هيه
و كمان بلياتشو تعالوا إسمعوا ناتشه
و شوفوا هيعمل إيه قولوا هيه
هيىىىه هيىىىه هيىىىه
أنا شجيع السيما أبو شنب بريمه
أول ما أقول عليهوب و أصرخلي صرخه
السبع يتكهرب و يبقي فرخه
حالاً بالاً سأصارع أسد إنما إيه متوحش
و هخلي وجهه شوارع تسقيفه يا ناس ميصحش
أهو جه أهو جه تسقيفه بقا
تسقيفه أمال تشجيعه أمال
تعالالي الالي اللالي يا حبيبي تعالالي
السمك مقلي كل و برقلي صنف زي الفل
استخار و إختار فشه أو ممبار
يالا سمي و كل
يام المطاهر رش الملح سبع مرات
بمقامه الطاهر خشي و قيدي سبع شمعات
يا عريس يا صغير
علقه تفوت و لا حد يموت
لابس و مغير و هتشرب مرقه كتكوت
بالزمه ده سابع عيل مزفوف من وقت قليل
مولد شالله يا معلم عقبال أولادك كلم
واحد مظبوط و إتنين مصري
عمك حاضر جايلك دوغري
مسا التماسي مسا التماسي
ياورد قاعد علي الكراسي
هات شاي يا دقدق عيني و راسي
سمعنا يا ريس حنتيره
للصبح معاك السهيره
سمعنا سمعنا
يا غزال يا غزال العشق حلال
دوبتني دوب خلتني خيال
يا شفتك فص فراوله و أنا لا قوه و لا حول
دوختلي قلبي علي اوله
أه يا غزال العشق حلال
يارب يا عالم بالحال
تهدي حبيبي و يصبح عال
و أغني و أرجع بالموال و أقول يا غزال
وقف ياريس حنتيره في ناس هنا قاعده كتيره
ولا حد قال هات تعميره و لا واحد شاي
أه اللي هيطلب راح يقعد
و اللي ما يطلبش يبعد
يالابنا نخرج يا مسعد شالاع التورماي
ورينا القوه يا بني إنت وهو
مين عنده مروي و عاملي فتوه
يقدر بقداره علي زق التاره و يفرقع بمبه
وسع أنا أزق التاره و أضرب ميت بمبه
دانا الاسطي عماره من درب شكمبه
سيطي من القلعه لسويقه اللاله أنا واخد السمعه
طب يالا تعالي لاياعم سعيده هأأو دي البدله جديده
هأأأه سعيده يابو بدله جديده
إوعد يارب إوعد أدي كمان قهوه
يالابنا يا مسعد ندخل علي سهوه
طار في الهوا شاشي و إنت متدراشي
طارفه شاورلي شاورلي عليك
حكم الهوي ماشي
هوا العصاري علي سطح جاري
خدني و رماني عليك و لا إنت داري
أهين يا ناري منك يا جاري
خدني ورماني رماني عليك هوا العصاري
طار في الهوا شاشي و إنت متدراشي
طارفه شاورلي شاورلي عليك
ماشي ماشي ماشي كلامك
اللي هيطلب راح يقعد و اللي مايطلبش يبعد
يالابنا نخرج يا مسعد شارع التورماي
ناس من بلدنا هناك أهم
روح يا إبراهيم إندهلهم
سلامات عالبلديات
ليلتكوا أنس و جلجله إنشد و لعلع يا ولا
شفت في منام صاحب المقام ده أوبهه
و يمامه حايمه عليه بتسبح ربها
ميلت فوق يده وجيت أحبىىىىىها
صحوني من النوم خدت بعضي
وتني جاي و بعوده حىىىي
ياولاد الحلال بنت تايهه طول كده
رجلها الشمال فيها خلال زي ده
زحمه يا ولداه كام عيل تاه¿¿
اليله الكبيره يا عمي و العالم كتيره
ماليين الشوادر يابا في الريف و البنادر

**

*