عصر الأمركه
**********
ياصاحبي عشرين مره قلت لـك    لاتشتكـي
لاتشتكي من جور بقعا والظروف    المنهكـه
دام ان حياتك معركه خلك ذكي .. خلك    ذكي
واصبر على جور الزمن. تقدر تدير  المعركه
الي تعود يشتكـي... والله لويبكـي..   بكـي
مايرحمه وقته... ولاتنفع معـاه   البكبكـه!!
ياهيه يلي تلعب ادوار الفقيـد أحمـد   زكـي
عمر المقلد. ماضبط ميـه ميـه    للماركـه
قد ترتكب اكبر خطاء لـلأن إذا لـم تدركـي
أن ابيض النور اسطعه وأن اسود الليل احلكه
ولاتراهن ع اختـلاق الحنبلـي    والمالكـي
الله واحد والنبي.. ولكـل مذهـب    مسلكـه
أنا لي اسلوبي ولي نهجي وتعرف    مسلكـي
وأنته تبرر بالخفاء حـادث جزيـرة  فيلكـه
من المهم اعرف نوايا المخرج    المتأمركـي
مب الأهم اني اشاهـد مسرحيـه   مضحكـه
ابتحمل جور وقتي لو يزيـد الكـي...  كـي
والعنف الأعمى ما يؤثر في شموخ    المملكه
ماني ضحيه من ضحايا غزو فكري   مهلكـي
ولا تأثـرت برسـوم الشاشـه    المتحركـه
اكبر دليل اني مع خفض الرسوم    الجمركـي
دام أن شعوب العالم الثالث أمـم   مستهلكـه
ياللأسف من غير لايدري.. منيـر  بعلبكـي
مهد لعصر الأمركه من قبل عصر   الأمركـه
وأن كان ردك ( لتصعلك) يزعيم    الأوزبكـي
انا معلم فـي فنـون الشيطنـه   والصعلكـه
هذي قوافي مربكه تختم ب(كه) تبدا    ب(كي)
لكن على قول البعض هذي لـزوم  الأنتكـه
واشعاري أن كانت تدل أني ذكـي   ومحنكـي
المجتمع ممكن يسميهـا قصايـد   (فرنكـه)
ولا النهايه الشعر يبقى حكي ضمن    الحكـي
ماغير انا يعجبني اعقـد قصيـدي    وحبكـه
والقصد الأول ولأخير استخدم اشعاري   لكـي
أخاطب اصحاب العقـول النيـره   والمدركـه