الغــامضــه
*********
أوافق الي في البدايـه مارضيـت   أوافقـه
وبعترف ماكل من يبغي يشـوف   يشوفهـا
الي توارت عن عيون العالـم    المتحاذقـه
من حرصها حتى يديها ماتبيـن    اكفوفهـا
الطاهـره والعاقلـه والطيبـه   والواثـقـه
ماتطمح أن شاعر يعدد في مزايا   اوصوفها
الغامضه لغز السنيـن السابقـه  والاحقـه
مهما تكون اظروفها محد يعرف    اظروفها
والي عيونه كل ما(مر) البنـات   أتسابقـه!
لكن ذي لو مرها غض النظـر   ويطوفهـا
ماتدري انها شكلت لحظه بعمـري فارقـه
لو تلتفت لضيوفها انـا كبيـر    أضيوفهـا
احشد هواجيسي واستنفر قـواي   الخارقـه
واكتب قصيده بالذهب يطرزون   احروفهـا
وأجيلها فارس سرى في ليل يجهر   بارقـه
ساري على وضح النقاء والنفس بدد   خوفها
مادام هي صوره خياليـه بذهنـي   عالقـه
ياليت لي صوره وتحذفها على احد ارفوفها
اوليت وجهات النظـر بعيوننـا    مطابقـه
وتشوفني وأشوفهـا ويكتمـل    معروفهـا!