الجزيرة
***********
الوقت ضيـق ولإجـازه    قصيـره
والوعد منك للأسف غير  مضمـون
تسرح وتمرح في الجميـرا   وديـره
وانا مقيد في اتيكـات    (سوربـون)
يلي حملت من الصفـات    الخطيـره
أفكار بن جريون وأفعـال   شـارون
ظلمتنـي ظلـم العـرب    للجزيـره
تخـدم قضاياهـم وفيهـا    يسبـون
وأحرمتني من حب سلمـى  وميـره
إلي على أفكاري وشعري    يموتـون
مدري علامـك ياعمـي   البصيـره
أقول لك من هون وتقول من    هـون
مادام تتحـرى الامـور الصغيـره!
وشلون قلي يضبط الوضع    وشلـون
اجيك شاكي شـر وقتـي    وخيـره
أبيك تـدري قبـل لنـاس   يـدرون
وتحسب اني بـس مجنـون   غيـره
مجنون....لا والله مانـي    بمجنـون
لوكل.. من بيـده يقـرر    مصيـره
ماكان اجيك .وفي يدي غصن زيتون