يازين لد النظر... يازيـن.. يازيـن.. يازيـن أن كـان باقـي... للمحبـه.. مــروه القلب لـك موطـن تعـال اسكنـه ليـن تضفي على بـره.. وبحـره... وجـوه ماتذكر أني صابـر اسنيـن.. وأسنيـن واقـول لـوه يعطـف الزيـن.. لـوه وش فيك؟ ماترحـم... ولاقلبـك يليـن حتـى العـدو يمكـن يـروف بعـدوه! لاتحسـب الثـروه ميـات الملايـيـن والعقـل ثـروه.. ماتقـارن.. بـثـروه لو ضاقت الدنياء مـن ايسـار ويميـن إنا خويـي.... تـاج راس.... المخـوه بقـول تكفـاء صاحبـي.. ياحمرعيـن يلي كسـاك.. الطيـب شيمـه ونخـوه طرش علـى الجـوال بيتيـن... بيتيـن دام أن قصيدك في سمـاء الشعـر ذروه ياخيـر مـن يفهـم ظـروف المحبيـن ان قلت هـوه... صـدق ماغيـر هـوه يفزع معـي فزعـة هـل الديـن لديـن ويشيل همـي كلمـا.... شـب ضـوه مابين.. (دار الظبي) و ( دبي) و ( العين) بين الرجاء واليـأس... والقصـد انـوه حظـي خذلنـي مطلـع الفيـن وثنيـن هدم طموحـي.. وأنحـدر مـن علـوه حتى اختلط في عينـي الزيـن والشيـن ماعدت افـرق بيـن.... مـره وحلـوه اقرر ارحل بس.. من ويـن؟ الا ويـن؟ أمد خطوه.. وأرجـع الخلـف خطـوه! ولا.. متـى بعديـن.. بعديـن.. بعديـن والصبر.. منه القلـب.. يعلـن. خلـوه والقلب صوبك ساقنـي يريـش العيـن من غير لاموعـد ومـن غيـر دعـوه! ودي تشوف ا(حسين) وتقول ي(حسيـن) توه... وقر.. حبك فـي القلـب... تـوه