فارس ومن عهد المسيح ف طريق ما يعرفش الرجوع نزلت دموع العين سبحه عقدين على طرف الخدود متعلقين وبرغم أوجاع السنين كانت بترسم فوق شفايفها اللي عجزت حتى عن نطق الحروف بسمة تموت أي خوف ممكن يبان الرعب بيدق الببان يا نسيم حبييبتي الطيبه أنا لسه فوق ضهر الحصان فارس ومن عهد المسيح بيبخ فوق كل الوشوش بركان لهيب ماسك شعاع الشمس بالأيد اليمين .. أما الشمال ... رافع عليها ميت صليب طالب رؤس كل اللي حضروا زفتك وما فكروش أزاي يهوزا يكون ملك على عرش كان ملكي أنا وأزاي ما حاولوش يمنعوه وأزاي حبيبتي الطيبه منهم تتوه يا طريق حبيبتي الطيبه أنا جي في أيديه الزمام حالف أعيد تاني الزمان وامسح أغسطس من تاريخي وح نبتدي ... أكتب تاريخك من جديد أول سطوره راح تكون فرمان عقاب ح أمسك يهوزا ع الملأ وأمد أيدي أنتزع علامات رجولته وأحدفه ف الصحرا ياكلوه الكلاب -----------------------------------------------------------
