حـلم صـغير بحلم وحلمي يا دوب على قدي وعشانه بشقى ليل ونهار تلقاني بجري ومرة أهدي وأقول مسيري أنهي المشوار وأكمني حلمي أجمل أحساس راح أحكي عنه لكل الناس بحلم بصحراء بعرقي أرويها تديني ياما كتير خيرات وأدعي لربي يبارك فيها وشعراء فيها تقول حكايات ألقاها جنة جمالها جنان على بابها واقف أنا رضوان بحلم بمصنع مكنه يدور إنتاجه يوصل للعالمية وألف بيه على كل الكون بضاعة مصري بأيد مصرية راح أبني مصنع ويا التاني من البطالة ما حد يعاني بحلم وحلمي يا دوب على قدي وعشانه بشقى ليل ونهار تلقاني بجري ومرة أهدي وأقول مسيري أنهي المشوار