حكايتي ف جرحي محتار وأسمعني دا الجرح فـيّه بـيوجعني مجروح يا ناس من ظلم الناس أنده ومين راح يـسمعـني دكاتره ياما شافو جرحي والكل تاهو ف ملامحي ومنهم عزاني ف فرحي قايم بيبكي يودعني ويقولي يا بني مين جرحك والحزن ليه ساكن قلبك يا بني قولي ولا تخبي مين اللي موتلك فرحك أنا قولتله الناس ظلموني بـكلامهـم الـمر أذونـي وإن قلت يكفى يزدوني وصاحبي أول من باعني فكرته ليا يكون ناصف لـقيـته كـان أول ناسـف صاحبي وعارف فين ضعفي على جرحي كان أول عازف وأدي يا ناس كل حكايتي م الجرح أنا خدت كفايتي من الـبداية لـنهايـتـي مجروح ومين راح يسمعني
