سهــران

الليل سهران ويايا

يوصفلي جمال العين

وغناه يسبق ف غنايا

وعنيه لتنين تايهين

ياما قلي عليكي كتير

مغرم وسعادته أسير

يظهر حوليكي كتير

زينا ف الهوى عاشقين

لو بس ف مرة تحني

وبلحن هوايا تغني

أفرشلك قلبي جناين

وأشيلك جوه النني

بس اللي معذب نفسي

ومحير يومي وأمسي

أنا فاكرك وأنت بتنسي

وأنا قلبي حيشكي لمين

قلبي المغرم بهواكي

يحلم بالعيشة معاكي

أحلامه بسيطه ولكن

يكفاه ف الدنيا لقاكي