لحظه مخاض القمر لحظه مخاض القمر تتبعتر النجمات تحدف رزاز الضي فوق الحواري البور تطرح سنابل غنا وف ضل دي الملحمه كل القلوب هايمين ونا قلبي شجره تين ضله علي قده زاره الخريف هده وأما السنين عدوا ما فاتولو غير موال فيه الليالي طوال والعين ما بتشوفشي وإزاي أنا ح امشي وأنتö يا بحر العسل رامياني في الصحراء كل الدروب خطره الليل بيولد خوف والشوف يا دوب شبرين رايح أنا علي فين سكه هلاك ف الغرب والشرق فجره حزين راجع يتيم الضي ميت ده والا حي يا بكره يا للي جي أرسمني حدوته تطول بطول المدي وما تنتهيش أبدا م أنا أصلي م المبتدأ عاشق هواه جدا يا سكه للجنه يا عمري وسنيني أنا لسه بستني طعمك يدفيني قربني وأبعدني طاوع وعاندني أعدل أو أظلمني راضي أنا بحكمك وكفايه من عشقك حرفين وقلب وسهم بيهم تخلدني
