المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
كانت يمامة صغيرة
للشاعر محمد رمضان هداية

كانت يمامة صغيرة

  

 كل اللي فاضل منّها

حبة حاجات

دبدوب قماش ..

عصفور حجر ..

وبواقي من حلمي اللي فات

وكتاب قديم

فيه الغناوي كلها

وقصيدة لسه بخطها

{ كانت يمامة صغيرة

فارده الجناح فوق السحاب

كانت  يا دوب مستنظرة

حضن الوليف ..

صادها الغراب }

ونا كنت ليها السندباد

جاني المطر قبل المعاد

كسر جوانب مركبي

سلمني للموج الغبي

رغم المعافرة والعناد

ما قدرتش أتحمل أنا

وغرقت في الأحزان سنه

يا هل ترى ..

شباك حبيبتي الطيبة

لساه موارب ع الأمل

وألا إنقفل ..؟

يا هل ترى ..

عصافير جناين حبنا

لساها عاشقة الصوصوه ..؟

يا هل ترى ..

موجنا العجوز

لساه بيعزف غنوتي

على صخرة الحلم الجميل

وألا أنكسر ..؟

يا هل ترى ..

كل اللي فاكره محتمل

ممكن يكون ..؟

وألا الرجوع ..

لطريق حبيبتي الطيبة

شرك وجنون ..؟

قلبي يا فاتح قبلتك للذكريات

لساك بتتحدى الزمن

بالأغنيات ..؟

لساك بتعزف ع النهار

بالدمع لحن الأمنيات ..؟

شايفك وحيد ..

كل البشر ..

بينك وبينهم ألف سور

واللي فضل .

وياك ف وحدة غربتك

حبة حاجات

دبدوب قماش ..

عصفور حجر ..

وبواقي من

          حلمي اللي فات





 

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد