خىىىىىىىىىىىىىىىىىىىريف اسكندريه
 
بعشق خريف اسكندريه
و ريحه البحر و شطوطها
و الليل و ساعه المغربيه
و همس الفجر لبيوتها
و مين في الدنيا ديُ
في غلاوه اسكندريه
دي طيور الشمال في سماها
بتغني و تعشق دفاها
و تحزن وقت ما تفوتها
و لما السحابه تخبي
الشمس بين أحضانها
بلاقي ابتسامه قلبي
تمسح هموم أحزانها
و لحظه فراقنا بشوف
موج البحر الحزين
بينده بصوت ملهوف
و يقوللي رايح فين
و لما اللقا يجمعنا
لو حتي في الأحلام
بيبقي الزمن له معني
و بتضحك الأيام
بعشق خريف اسكندريه