هأحبِّك واغَنِّى
بِسْم البلاد الوَلَد والصَّبِيَّة
بِسْم العيون البريئة الوَفِيَّة
بِسْم الأغانى الجميلة الجريئة
هأحبِّك وأغَنِّى
وليَّ فى حُبِّك ولَّي ف غُنَاكى ..
مَحَبَّة وطريقة
وقلبى يِحِسِّك
ويفهم فى حُسْنِك
ولو قُولتى أَيْوَة ..
يِعَلِّى فى حِسِّك
ولو شىء يِمِسِّك ..
بيِتْلَقَّى حُزْنِك فى دَقَّة ودقيقة
ولو خُفْتِى قُولِى
لو خُفْتِى غَنِّى
آه لو تغيبي
آه لو تئِنِّى
تغيب روحي عَنِّى
وتِدْبَل جميع العيون البريئة
وإيه لو مَنَعْنِى اللى مانِعِك تِغَنِّى ؟
هأحبِّك كَأنِّى من العِشق جِنِّى
أَجِيلِك وأدَنِّى أدَنْدِن وأغَنِّى
ولو حَد شافنى ..
هأقول الحقيقة
هأقول الحقيقة
بِسْم البلاد الوَلَد والصَبِيَّة
بِسم العيون البريئة الوفية
بسْم الأغانى الجميلة الجريئة
هأحبِّك وأغَنِّى
وليَّ فى حُبِّك
وليَّ ف غُنَاكى
مَحَبَّة وطريقة