مشيت على ضى القمر
انا وحبيبى بحُبنا
اتنين بيجمعنا القدر
ف دنيا تانية لوحدنا
واحـْـلو ويانا السهر
وعشنا جواه ف حلمنا
وليلتها حبات المطر
نزلت بصورة فرْحنا

مَ الدنيا رجعت للحياة
ساعة ما رفرفت القلوب
و مشبنا من غير اتجاه
بخطوة بتبوس ف الدروب
ومشبَّكين ايدنا بحنان
وقلوبنا بالأشواق تدوب
ووصلنا لشطوط الأمان
ولـَقينا صورة بإسمنا
***************
انا وحبيبى كل يوم
بيزيد جمالنا ف حبنا
ولينا تشهد النجوم
وكل طرقات الهنا
وكمان هتشهد العيون
اللى بتنطق بالغنا
ومعاهم القمر الحنون
اللى بضيــُّـه يضمـَّنا

مَ الدنيا رجعت للحياة
ساعة ما رفرفت القلوب
و مشبنا من غير اتجاه
بخطوة بتبوس ف الدروب
ومشبَّكين ايدنا بحنان
وقلوبنا بالأشواق تدوب
ووصلنا لشطوط الأمان
ولـَقينا صورة بإسمنا