رساله الي أحمد فؤاد نجم
 
أستاذي العزيز الفاجومي
النجم الوحيد بين نجومي
اللي نوره مينطفيش
برغم انك ما تعرفنيش
و حظي جايز ما يخدمنيش
و اتشرف في يوم بيك
لكن ليه ما تسألنيش
كل حرف بتكتبه بيهزني
و يشدني بصحيح ليك
مش نفاق أو رياء
او كلام او السلام
لما اقولك ان قلمك
ويا صوت الشيخ امام
علمني أيه معني الحياه
و ازاي أحس
بالغلابه المطحونين
علمني اقول الف لا
في وش كل الجبارين
علمني اكون بميت لسان
لما اعيش ما بين حيتان
من غير ما احس بأي خوف
أو أكون انسان جبان
علمني كل شئ جميل
و ازاي أخطي المستحيل
و ان ضي الفجر جاي
مهما ليل الظلم طال
ف النهايه بدعي ربي
كل كلمه قولتها لنا
تبقي رايه ف ايد ولادنا
يمشوا بيها للأمام
و السلام مسك الختام