بغداد اذكر ليالي                       و احلا ايام العمر عشتها بي
اذكر ايام الصبا و احلي السهرات         من نجتمع الخميس العصر بعد الدراسات
و من نمشي متونسين بأبو نؤاس         و دجله بالجانب يرسم بالحواس
ويمي احلي البنات البغداديات           وحده احلي من اللخ وماكو مثلهم بالدنيات
جمال و ثقه و ذكاء و كبرياء           بيا دوله بالعالم اكو بنات هيي اثرياء
قابلت بنات من كل مكان و دين         ماكو مثل العراقيات بهاي العين
حلاوه طبع و جمال الاخلاق           و ماكو عندهم طبيعه الانغلاق
كلما اذكر بغداد ويه الاصحاب         اذكر وياهه سفرات المدينه و ايام الشباب
اذكر التنسيق ما بين الحبايب           وشلون التلفون برنته يذوب إلي مو ذايب
و شلون اكضي الليل ويه المحبوب     بحجه عندي درس و لازم اقرء يا ملعوب
و ذكريات احلي ايام الدراسه         و سامر و سرمد و احمد و ابو فراسه.
و ايام جامعه بغداد بين الاقسام         نشوف ياقسم احلي و اعلي مقام
و ايام التخرج ويه الاصحاب           و أنتظار العسكريه والتفكير بالغياب
وطلعات للإداره والاقتصاد و نشوف الحلوات     و نتحسر علي الدرجات العاليه بالبكلوريات
بله لو نه بالإداره مو بالهندسات     ان كضينه اكثر وقت ويه الحلوات
بس حضي معدل عالي وداني هندسات       و خلاني ليل نهار ادرس قياسات
و الحلوه ساكنه بنادي العلويات      و اني الوكت كله كاضي بالرياضيات
تخابري هيه و تلي البارحه نا بإحدي الحفلات       والركص للصبح و جايين فنانات
واني اعد اقرأ كهربائيات           (و ين نتل) ابو ابويه من اسمع هالتصريحات
كل هاذا و تسألني ليش بغداديات         بابه بكل الدنيا ماكو مثل العراقيات