في ليله عشق ملعونه وساعه حب مجنونه لقيتها جنبي بتقرب لقيتها بتشكي من حرمان لقيتها بتحكي عن أحزان وقلب جريح بيتغرب في لحظه يأس من حالها وشيء جواها أوحالها بإني ف يوم هسيبها واخون لقيتها بتشكي من ودي لقيت شفايفها علي خدي وبعدت عني كل الكون حاولت كتير افوقها لكن شيطانها ذوقها وقلت لنفسي إيه هيكون لقيتها ف حضني باستسلام وشيء جوايا قاللي كلام هتبقي في السما ملعون بدأت أرجع لصوت عقلي لأن شيطاني هيأ لي بإن الذنب شيء عادي بعدت إيديا عن إيدها وعن أوهامها ببعدها لقيتها بشوقها بتنادي محيت بإيديا تفكيرها ورجعت لحظه لضميرها ورحلت زي طيف هادي وفاتت ليله بدعي تموت وكنت فاكرها مش هتفوت وصبحت ذكري في الماضي
