الجرانين عندنا مليانه بالأخبار عن موت ديانا
كل الناس مشغوله عليها كل الناس عندنا قلقانه
أصل الناس عندنا عارفينها و متابعين أخبار فساتينها
لبست أيه قلعت أيه حبت مين كرهت مين
ظهرت فين بكتاف عريانه
اصل مشاكل مصر اتحلت الا مصيبه واحده و حلت
لما جابوا لنا الخبر اياه دودي الفايد مات و معاه
المحروسه و كات سكرانه
حتي معاطي ابن ام حسين عمال يبكي بدمع العين
يمكن ابوه يبقي ابن خالتها و لا مراته كات سلفتها
و الله حنين يا ابن بهانه
كانت عاقله و بنت اصول لما تخون بتقول علي طول
و اضحه جريئه و ما تخبيش طاهره بريئه و عايزه تعيش
حسره علينا لمين سايبانا
البسوا اسود يا ستات و اقروا الفاتحه للأموات
و انت يا عطوه يا ابن زيدان أجل فرحك شهر كمان
أصل الناس عندنا زعلانه
