بحن لشىء ف عرف الناس ملهش وجود
بحن لدنيا فيها الخير طريق ممدود
وحب ف قلب كل الناس ملهش حدود
وصوت الحق من تانى لداره يعود
بحن عنيه ما تشوفشى الحنين مفقود
........................................
هحن ما شوفشى أى حبيب يكون جارح
وكل مكان نشوف جواه الأمل طارح
وتنسى الخوف ملامحنا
وما نفكرشى ف امبارح
......................................
بحلم بدنيا بريئه وزى ماهى بنعيشها
وناس ماتعيشى لابسه وشوش على وشوشها
وكلمة حق حلفت فينا ما نحوشها
...................................
بحلم ندوس ع الخوف .... وذل اليأس وهمومنا
بحلم نشوف العدل ... سكة بكره قدامنا
وبكره يكون علينا أحن من يومنا
ضميرنا يعيش عشان الحق...
وتكبر فينا أحلامنا