قللي..بتصلي¿.. أيوه باصلي
طب و السنن¿.. لأ مشغول
و القرأن¿... لأ مشغول
و الصدقات¿.... مشغول مشغول
و ازاي بتحب الله و الرسول¿
و الله باحب...دليلك¿..قول
باراعي ربنا مع أي حد
بس عبادتي يادوب ع القد
أه... أه يا خوفي و أه يا كسوفي

الفتن الفتن....
شيطاني واقفلي في كل مكان
انجدني يا رب من العصيان
شيطاني يقول... و فلانه فلان¿
فلانه فلان مين يا شيطان¿!
أه... اللي صورها في كل مكان!
أيوه فلانه دا شيء يتحب
بس الحلال أجمل م الذنب

خلاص يا عم دا شكلك خايف
طب ايه رأيك في المجد الزايف¿!
إنك تكون أحسن أديب
من غير لا أدب ولا تأديب
أو طبيب من غير ماتداوي
أو عالم و انت علي القهاوي
و يومها الفلوس و السلطه و النفوذ
و الكل تحت امرك وين ماتعوز

سيبني يا شيطان يا إبن الشياطين
خلاص مش عارف أعمل ايه وياك
يا عم حيرت قلبي معاك
أيوه عرفت... أستعيذ بالله
اللي أنا باحبه و أتمني رضاه
خلاص انا راجع دلوقت إليه
و لهدي رسوله...صلوا عليه
خلاص مش حابقي في يوم المقطف
شيطاني ضعيف و أنا مش الاضعف
و عبادتي مهما تكون علي القد
فالخير في أدومها و إن قل
و أكيد في يوم عباداتي حتزيد
و التواب يغفرلي أكيد

يا رب باحبك و انا مشغول
يا رب ارزقني حبك علي طول
و شربني حبك و حب الرسول
صدقني يا رب انا نفسي أقول
حبيبي باحبك... و مش مشغول