يا راحل مراحل .. في عمرك 00 مابتنتهيش كل رحله بتقتلك تاخد نصيبك م الهموم ميت ألف كيلو جرام والوجع .. يشد حيله ۔ وتنهزم .. لضربه الأيام بس فيك عافيه صبور ريح تهزك ۔ ما بتتقلع بتغلب ساعات اختصامك للكلام ساكت مدي الأيام تستطعم الإحساس بالعذاب ألامك فوق احتمال الهمم تغيير مزاجك / بهىْتىان مشاعرك وخناقك لوشك واحتباس الدم وقوه الأعصاب : دافع مرير للغضب ع السجن داخل طموحك وحلم ابن كلب العصاري: أسود ويأس .. شادد حزام الدوام ! ......................... يا راحل 00 بتستعجل خطاوي الرحيل كرهت الليل الطويل ۔ والاحتلام ۔ ببنت تفرد ضلوعها : المراكب / والشراع/ والشطوط / والصدف كرهت : تدبير الفكاك .. من كلابشات عشق وهم / وقرف قلبك دفع مثقاله : ارتجاف وحنين ولهفه وشغف ماوقعتش : غير صيد ثمين لمواصله جنانك / ولما خانك ى ساعه وصولك للمطاف الأخير ى مجمل الحب السراب .. لعنت سلسال الشرف0 يا راحل .. بترحل من مبتداك 00 مفيش (انتها ) لذعه الحزن تغص حلقك جوفك جفاف الجوع عقلك من ( الإعياء ) شطط ما تسألنيش إجابه لسؤالك : ى تقدر تفسر معني العبط .. وتحل معضلات الإنسانيه ولؤم المخاوف من ( يقظه ضمير ) ¿! .......... متسألنيش ......... يشبهك شخبوط صغير علي سور محطه مصر للسكه الحديد قبل ما يبنوا صرح رمسيس ( المستعار ) فوق حطامها ۔ أيام هجوم التتار راكبين خيول الفرنجه ۔ والمغول : بالمدافع والصواعق ودمدمات البارود ورغم خيانه جيوشك .. وقفتلهم : تقاتلهم فوق وتحت / شرق غرب / يمين شمال / شمال يمين وفجأه لقيتهم ميتين : في جلدك / لحمك/ خاتم في صبعك / نور طريقك / سكتك /خيالك عطشك/فزعك/سكنك/نفسك/نومك/قدرك/شجرك/ مطرك/ رعدك/ برقك/عرقك/ ورقه توتك .. وسابوك لوحدك .. بتضحك : واجهه صفره لملامحك شكلك صبحت معبد فراعنه تماثيل / هياكل / سحر وطلاسم ولعنه قرابينك .. عجينك / حياتك / سنينك / عرفك ودينك من غير ما تشبه مسمي .. لمدلوله معني ! لا عبيد بيصنعهم الجبروت ولا سطوه الكهنوت ما دمت مابتملكش سوط وعرشك مفيش دماغك محطات النوارس والصقور حلمك : فضا فضفضه روح بتتحول سدي لخراب صراخك : رضا ۔ بالمستحيل والعدم يحولوك لتراب مسئول عن كرامتك عرق نافض .. يتقطع ! طول ما أنت عايز تبقي رافض ... يتخلع .. من جوه منك : ثورتك / شهوتك ۔ وصنعك للحياه !! يا راحل مراحل .. في عمرك مابتنتهيش كل رحله بتقتلك 00 وزي ما تعودت منك .. ترجع تعيش 0
