بيوصف لي فيها كأني ... معرفشي شيء عنها
وبيحكي عنها حاجات ...     بيقوللي محتاج لها
بيقوللي هي حياته ...       هي ومفيش بعدها
صاحبي الوحيد بيحبها ... وما شافشي غيري يقولها
.........................................
كفاياك يا صاحبي كلام .... واسكت مفيش داعي
اسكت يا صاحبي عشان ...     بتزيد ف أوجاعي
.....................................
وفضلت اسمع له ... مع اني بعشقها
لو حد كان غيره ... كنت أقدر انطقها
...................................
مبطلش عنها كلام ... وكأنه يقصد جرحي
بيزيد ف قلبي ألام ... وبيقتل فيا فرحي
خفت يبان احساسي عليا ... خفت الحزن يبان ف ملامحي
كان لازم احساسي يموت ... كان واجب علي قلبي يضحي
...............................
هروح واحكي لها عنه حاجات ... مبيقولهاش علي لسانه
هروح واترجا فيها ساعات ... عشان تسكن ف أحضانه
هدوس علي حزني بإيديا .. والملم جرحي وحديا .. وهقتل حبي علشانه