يا البنت ياللي مشيتي

بكعبك العريان

اديله لمسه حنا

دي الحنا ليكي أمان

الحنا هتخبي

بياضك الناصع

ايه فايدت المتغطي

و هو ليه عنوان

يا البنت ياللي مشيتي

بكعبك العريان

***

يا البنت ياللي لحالك

حالك سواد شعرك

هب الهوا مالت

خصله علي ظهرك

وقالو من عدها

يدفع أوام مهرك

غار النسيم ردها

تاني علي ايشاربك

يا البنت ياللي لحالك

حالك سواد شعرك

***

يا البنت ياللي نداكي

علي كل شيء بالغنا

و بتندهي ع الميه

وياريتها كانت أنا

أجري علي كفك

المس بشوق وشك

وتعطشي تشربي

و ترتوي بالهنا

يا البنت ياللي نداكي

علي كل شيء بالغنا

***


للأستماع الي القصيده

علي هذا الرابط

http://www.2shared.com/file/2460067/6098ab9d/__online.html