بتقولى إيه خلانى أحبك فكرك ح أخبى و احير قلبك
أبدا .. راح اقول
قلبك على دنيا حنان مالهاش بداية و لا نهاية
مهما تفيض بى الأشجان أنساها و انت ويايا
و ازاى أعيش فى الدنيا وحيد و انا معاك فى غرامى
سعيد آه .. أبدا راح أقول
صورت لك حبى أغانى توهب لها كل حنانك
و الكلمة تبقى على لسانى وتبقى برضه على لسانك
و ازاى أعيش فى الدنيا وحيد و انا معاك فى غرامى سعيد
آه .. أبدا راح اقول
دايما تجينى فى مواعيدى و البسمة و الأشواق سابقاك
و احس دايما بوجودى و ابقى كمان متهنى معاك و ازاى
أعيش فى الدنيا وحيد و انا معاك فى غرامى سعيد
آه .. أبدا راح أقول
