يا من هويتي معي بحر الهوى مـا نسيتـه
وكــيــف بـنــســى الـمــقــل
تلك السنين قد حوت اجمل عمر قـد لقيتـه
سـجـلـت مـــا قـــد حــصــل
لو يشتروا عمر ظاع اني اكيد قـد شريتـه
فــيــه الـجــمــال اشـتــمــل
ضاع الهوى والصفى ما ضاع ما زد لقيتـه
ولـــو عـلـيـه بــــا تــســل
ياليت بساعه تعود تعيـد مـا كنـت ريتـه
بـتـكــون ســاعـــة جــلـــل
الله من احلى سنين قلبي بهـا قـد سليتـه
والــحــب فــيـــه انـهــمــل
اشرعت فيها الشراع والبحر كلـه عصيتـه
مــاكـــان فــيـــه الــزعـــل
يا سائلي عن هوى ذاك الهوى قـد لضيتـه
جـعـلــت نـظــمــي غـــــزل
ما كل من به سوى كل الهوى قـد حجيتـه
قـــد كـنــت فـيـهــا الـمـثــل
حنيت عليها حنين من بعدهـا مـا سليتـه
والــيـــوم كــلـــي كــســـل
من يلقها استحلفه يحكـي بمـا قـد حكيتـه
يـمـكــن تـطــيــب الـعــلــل
بحر الهوى هو عميق ياعابره قـد عليتـه
قـــد شـفــت فــيــه الــزلــل
اجعل شراعك شديد بحر الهوى قـد حويتـه
قـــد كـــان قــولــي زجــــل
يا طير فوق الغصون اوصل كـلام احتزيتـه
قـلــبــي حــوتـــه الـعــلــل
قل للمليحه تطل لسني عطـش مـا سقيتـه
رحـيـقـهـا هـــــو عــســـل
طله ولو بالرموش ما ذنبـي اللـي سويتـه
حــبــل الــوصــال انـفــصــل
وان ما تجيني فقول قد مـات وانـا عزيتـه
والـمــوت مـــا بـــه خــجــل
واوصا على القبر كم ورده من اللي ذريتـه
الــــورد ذي مـــــا ذبـــــل
واقروا عليه القصيد بعد الدعاء ذي هجيتـه
زيــــدوا الــدعــاء لـلـبـطــل
وان حد سئل ما حصل قولوا الهوى لو دريته
هــــذ الــهـــوى ذي قــتـــل