يا عيد وقف لا تصل صوبنا عـود
كيف با نعيـد والعوالـم جريحـه
العيد ماهو رقص او دقـة العـود
العيد مبعد خـذ بكلمـه صريحـه
وكيف يعيد من له القلب مسـدود
الجيب طفرن والمخـازن شحيحـه
ودعت عيدي عيدنا غير موجـود
لو كان موجود كان نافـح بريحـه
هذا اقتصادي قد تمـزق ومـردود
وانتوا تقولوا عيد قولـوا ذبيحـه
وكيف نسيتوا ذبحة القايد الجـود
ذي كان قايـد والعوالـم كسيحـه
العيد ماهو رقص جيدات الانهـود
من قال عيد قلـت هـذه فضيحـه
يا اب لش عيدش ولي شعب مغدود
يهناش عيدش بالطبـول القريحـه
اب الوسيعه سهلها اليوم مسـدود
من حفل راقص والمواجب سجيحه
اهم شيئ غنوا على دقـة العـود
وتراقصوا فوق السهول الفسيحـه
ولا تقولـوا دقـة العـود محـدود
من هو مطبل يطلبـوه بالشريحـه
شعب اليمن ما باتلاقيـه محسـود
بالفقر محجوب لا تظنـه ذحيحـه
قد سرت انا من كثر الاعياد مبلود
هو عيد للـي بـا يغنـي قريحـه
يا ويح قلبي من نكد سار مقصـود
من ذا البطاله شعبنا هـو نزيحـه
ومن تغني سمهـا بنـت مسعـود
ذي ما يغني با نسميـه شطيحـه
ودعت عيدي ودعه كـل مولـود
من بـا يعيـد والبطالـه طريحـه
الفقر جاعل اغلب الشعب معصـود
يا عيد فارق قلتهـا لـك نصيحـه
وكم عوالم يرقصوا رقصة السـود
وبعد ساعـه شوفهـم كالنطيحـه
لا دق طبله قـام كالبغـل مشـدود
رغم ان نومه جنب عجله زويحـه
ذي هو سعيد قلنا له العيد مسرود
يهناك عيدك يا مراقـص سميحـه
ولا تلوم لاكنت في البيت مخمـود
مهما تنوح محد يقول ليش نويحه
من ذا البطاله كم وكم ناس ملبـود
الشغل معدوم والغـلا هـو لفيحـه
والختم صلوا دون غفله وتـردود
على النبي ذي علم اهل البطيحـه