ماتت شروق القلب بنتي ذي ربيـت
كانت لي اغلى من مشى وسط البطاح
من حين ماتت ما وسعني اي بيـت
والدمع في عيني بلا صوت او صياح
ماتت وغابت ضحكتي حتى انزويـت
هي كانت الهامي لصبـري والكفـاح
كانت عيوني ذي تناظر لـو دريـت
قلبي عليهـا ماقـدر يوقـف نيـاح
قالوا قضا الله احمده انـت ابتليـت
قلت احمده ذي خالق الكون الفسـاح
ماغير دمع العين غصباً لـو رأيـت
لا تنقدوني ما قدرت انسى الجـراح
يامن تناظر وسط عيني مـا نسيـت
وكيف بنساء مـن دفنتـوا بالبـراح
حزني بقلبي ملتـوي وانـا التويـت
كلاً لـوى ودعتهـا هـي والنجـاح
من بعدها مالي نجاح شوف انشويت
رغم المقادير بسمتي ذابـت ريـاح
قالولي انسى قلت ليت انسى وليـت
شيلوا لي العقل اجعلوه روس الرماح
وقالوا انسى وانت عاقل مـا جنيـت
قلت استميح العذر منكـم والسمـاح
من حين غابت مهجتي قالوا عويـت
قلنا على قلبـي الـم ينطـح نطـاح
قلبي انكوى وانـا عليهـا انكويـت
من دمع عيني خد وجهي هو نسـاح
فرح قليل واحزان عمري به حويـت
قلبي انظلم كنه خلق بايـام سجـاح
كانت تداعب رمش عيني لو مسيـت
واليوم ليلي في ظنك حتـى الصبـاح
احس نحوك بالحنين مهمـا سويـت
با نلتقي وايـاك مـن بعـد الفـلاح
يارب يامـن للدواعـه قـد خبيـت
هـذه وداعـه خلهـا بيـن المـلاح
هي كل انفاسي وانـت الـي هديـت
وادعوك تبدل ظلمت القلب انشـراح