ياغاليه أرجوك حطي في بالك
                  تتحكمي عقلك قبل تطعني وفاك
أنسي علاقه زيف تلعب بحالك
                    وتقربك تقريب لدروب الإهلاك
وتهز شانك وتطيح شمخ نالك
                      وتغير الدنيا في ليلك ومسراك
يابنتنا أرجوك صوني جمالك
                      من غدر ذيب غير دروب ممشاك
إنسان تافه يلعب بطول بالك
                    معسول فمه ذيب خداع لرضاك
لكن أنا خايف تتوهي بخيالك
                        وتموتي عزك بتفكير أعماك
أعماك عن شخص يحب أمتثالك
                        وده يباهي فيك كل من تحداك
إنك صعب تبقي علي ماعطالك
                        رب كريم طهر القلب جواك
هذي نصيحه أخ يرفض ضلالك
                    ياتخسري حلمك وترضي بماجاك
ياترجعي لعقلك وتغني بحلالك
                      ويطيب المولي سنينك ودنياك
وتعيشي أفراحك ويرتاح بالك
                      لاتخسري دينك بوسواس وطاك
ولاتجعلي دنياك ترأف بحالك
                        لأن الندم يخفي براءه محياك
وأنتي تري نجمه ولاحد يطالك
                        بأفكار هدامه تنازع مزاياك
عالمك في بيتك وهذا مجالك
                      وأنتي مدارسنا وهذا الي علاك
هذي رساله صغتها بالعنا لك
                        في كاس شعري بالكتابه تحراك
هذا دلال لي وشوفك دنا لك
                          بقرايه المقصود الي تعناك