صلاح الطويل سكنوني عيوني شدوني عضامي وجنوني قبطوني الارياح والسوارت فيدين لالة مولاتي غير بلاتي سلمت ذاتي مرتاح غمضت جفوني على عيوني فعيوني فأوراق التوت هزوني وحطوني مرفوع لالة تبايع ليها البروج فوق يدي بجوج مزينها شكون بحالي ...؟ عيون الكون تالفة مبهورة فجناني الحبق وبلعمان عند رجلي حشمان شكون يبان ...؟ الورد غضبان والطيور ماتغرد قدام هديل حمامي والهلال حشم يكمل شاف لالة اهبل غطيتها بكمامي إلى نسمة هبات على خدود لالة قدامي تروح الروح مني بعدا غير نموت شهيد لالة هاز علامي كلشي غاير مني حتى النجوم والتريات تفضحات غضبات مصدر الضوء جاي مني حيت لالة في سكنات شاعلة فاحضاني مضوياني شكون بحالي ؟ مزاوك فالدالية ورجلي فالساقية مضلل بأغصاني العطور مني تفوح تفاح الروح مداقو فلساني واللوح الدافي بلا قوافي عليه نكتب أحلامي وأنا مبهور بين السطور نقلب على عنواني لالة فيا سكنات ليها التسليم قبطوني الارياح شدوني عضامي
