إسمه فى البطاقة ... نايم فى العسل
  المهنة تحت منها   ... رئيس قسم الكسل

بينام بالنهار ... وبيصحى المغربيه
بيموت فى الهزار ... ومعندوش قضيه

يا واقف ع النواصى ... يا قاعد ع القهاوى
بيكره صمت صوته ... ويموت فى الحكاوى

حكاوى عمال يحكيها ... بالطول والعرض مقضيها
الوقت مش فارق عنده ... أيامه بتشبه بعضيها

الخلق ف أشغالها ... وصاحبنا لوحده باقى
تقوله يشوف له شغله ... يقولك مش هلاقى

إسمه فى البطاقة ... نايم فى العسل
  المهنة تحت منها ... رئيس قسم الكسل