رايح ازوره وفاكر صورته .... قلت أهى وعكه لكنه شديد
والله لقيت واحد ما عرفته .... قلت هيرجع تانى أكيد
لكن باين انى حسدته .... علشان هو مكنش سعيد
.........
ايوة انا فاكر صورته زمان .... قلت ده هو .. لأ مش هو
كان واحد من ناس جدعان .... لكن راحت فين القوة
..........
قاللى يا صاحبى الصحة دى راحت
قاللى يا صاحبى الضحكة دى ماتت
قاللى يا صاحبى أيامنا دى فاتت
والله ساعتها أنا حالى اتغير
فجأة لقتنى غريب متحير
حتى لسانى لقيته اتسمر
............
أيوة ده خالد جوه فقلبى ..... علشان أصله كان فرعون
أيوة افديه وبروحى ودمى ..... عاشقه بجد وعشق جنون
تعليق:
اهداء الى صديقى الراحل خالد فرعون (رجل بلا شك )
