لما صحيت م النوم امبارح رايح شغلي زي العاده بس حصل لي حاجه غريبه فجأه لقيت الميه اتقطعت وانا مشربتش ومفكرتش قمت نزلت الجو اتحول حرر فجأه رحت لأول زير ف الشارع شلت غطاه كان جواه فاضي مصدقتش رحت مكمل مشي وشايل عطشي ف ايد وكتاب ف التانيه واما وصلت الشغل قالولي عندك ميه¿¿ اصل مفيش عندنا ولا نقطه قعدت افكر .. جالي صداع أطلب شاي¿¿¿ بس ازاي وانا عارف اصلا ان الشاي معمول م الميه اكتب شكوي¿¿ هيحاكموني ويعتقلوني وماليش متوي جف الحلق ارتعشت ايدي عايز اشرب مخي هيضرب م التفكير لازم اثور حقي الميه زي الهوا والليل والنور ليه قاطعينها ليه حابسينها في المواسير سبت الشغل جريت ف الشارع كل الشارع كان عطشان ومسلم امره.. بس انا غيرهم ولا كنت اعرف انه هتعمل كل ده فيه نقطه ميه.. وفضلت اجري لحد ما شافت عيني الميه شفت النيل كان ريقي ناشف خدت قرار ورميت فيه نفسي بعرف اعوم بس المدهش!!! مت غريق!!!! دبي 2-6-2008
