المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
نقطة ميّه
للشاعر مجدي طه

لما صحيت م النوم امبارح
رايح شغلي زي العاده
بس حصل لي حاجة غريبة
فجأة لقيت المية اتقطعت
وانا مشربتش
ومفكرتش
قمت نزلت
الجو اتحول
حرر فجأة
رحت لأول زير ف الشارع
شلت غطاه
كان جواه فاضي
مصدقتش
رحت مكمل مشي وشايل
عطشي ف ايد وكتاب
ف التانية
واما وصلت الشغل قالولي
عندك ميه؟؟
اصل مفيش عندنا ولا نقطه
قعدت افكر ..
جالي صداع
أطلب شاي؟؟؟
بس ازاي وانا عارف اصلا
ان الشاي معمول م المية
اكتب شكوي؟؟
هيحاكموني ويعتقلوني
وماليش متوي
جف الحلق ارتعشت ايدي
عايز اشرب
مخي هيضرب م التفكير
لازم اثور
حقي المية
زي الهوا والليل والنور
ليه قاطعينها
ليه حابسينها في المواسير  
سبت الشغل جريت ف الشارع
كل الشارع كان عطشان
ومسلم امره..
بس انا غيرهم
ولا كنت اعرف
انه هتعمل كل ده فيه
نقطة ميه..
وفضلت اجري لحد ما شافت
عيني المية
شفت   النيل
كان ريقي ناشف
خدت قرار
ورميت فيه نفسي
بعرف اعوم
بس المدهش!!!
مت غريق!!!!


دبي 2-6-2008

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد