اسمع وشوف هل القصه
كنا صغار وما نعرف
كنا نسمع الحكايه من ستي وستك الختياره
قالوا 68 بلادنا راح ترجع علي الأكيد
قالت ستي بصوت حزين والله باين مش أكيد
عنا أرض في 48 أخدوها الاسرائلين
كنا صغار وما نعرف قيمه الأرض والطيب
قالت ستي الختياره بلادنا ضاعت ياخساره
بستني الموت وأنا خافيه ما أرجع علي بلادي الخضره
اسمع وشوف هل القصه
في دير ياسين ماتو ناس كتير
قالوا فدا الوطن راح يرجع علي الأكيد
وصرنا في الألفين والحال ماهو زين
قالت ستي الختياره بعدو غراب البين
مسيطر علي الارضين
اسمع وشوف هل القصه
قالت ستي الختياره في القمه بترجع يا جاره
اسمعنا الكلام وما افهمنا
يمكن إحنا ما عرفنا
كيف ما حكوا ما بترجع
للأسف ما خلصت الحكايه
ونامت ستي الختياره
