خلص الكلام من فوق لسان الندم
خلص الكلام من على سن القلم
ونزل الستار
نزل الستار من فوق عمود الغرام
ودارى اللي كان باين من الأيام
نازل يقول انا كنت فوق تعبان
محتاج يومين لما يقوم يتعود
علي أيام كتير جايه بدون أحلام
وحاش الستار
حاش الستار من وراه حكايات
قصص عشاق قاعدين على الأشواك
وبعد مانزل الستار .... انفجر حي ايام زمان زي مايكون الغام
وكشف الكتاب
كشف الكتاب كلام كتير مكتوب بين السطور مداري قصص, روايات أحسن من الأفلام
فيلم هندي
فيلم هندي كتر فيه الغنى على الودن لما أصبحت مسحوره
بكلام لما تسمعه بتقول .. والله العظيم دا خالي من الأوهام
وضحك المخادع
ضحك المخادع لما لقاني معاه مصدق كل حرف ومدلوق في هواه
وقال نغني شوية أغاني وبيرسم كمان أحسن من الرسام
ومسك الكلام
مسك القلم عشان يكتب كلام هيقوله
أحسن لينسى وتخلص الحدوته
من غير مايضحك هو واللي معاه فكرني جماد معندهوش إلهام
وشلت الغمامه
شلت الغمامه عن عيني اللي كانت
مش شايفه غيره حتى لو كانت حزينه
بصيت لنفسي لقتني زي الفريسه
هجم عليها الاسد لما لقاها ضعيفه
لكني بقيت أقوى من قسوة الأيام
لكني بقيت أقوى زي ماعلمتني الأيام
خلص الكلام ....خلص الكلام
تعليق:
تأليف سمير ابو الفتح ندا
تليفون : 0020472786192