المستخدمين
المستخدم:
كلمة السر:
المنتديات اتصل بنا تسجيل الرئيسية
 
Your Ad Here
شاعر الأسبوع
شاعرة الأسبوع
قصيدة الأسبوع
أخبار وأحداث New
بكهرب العواميد
للشاعر الشاعر أحمد العوامرى

بكهرب العواميد

الشاعرأحمد العوامرى


من صغرى…
بتشعلق "ف" سلك الكهربا
وبكهرب العواميد
وابكى…
لمّا الشمعة
تقيد
واشوف الناس…
تضحك وتسقَّفْ حواليها
وهيا بتنزل…
دمعة "ف" ديل الدمعة
واللى حارقنى بجد
وحازز فيا:
كيف عاملين
لسقوطها
عيد

متشوفنيش
جّوا ضلوعى وانا بتلوَّى
لجل ما اكتّف…..
كل اللي "ف " جتتي من قوَّه
لجل ما حارب
قارب جوَّه الجوف
وبيحِْبي
بيرضع…
خوف
لجل مايوصل للدرويش
طالب فتوى
قال:
كان لى "ف " كل مرايه زىّ
لابس نفس الوشِّ ونفس الزِىّ
راح غاب عنى ولا رجعليش
قُلْ لى:
ان كان ميت ولاَّ حَيّ

أنا مِنْ صُغْري…
بحب الرَّمْح
فارس…
ولا فيش سيف ولا رُمْح
حاطِطْ كل معاني القُوَّة
" ف" جيب جلابيتى
اللِّي قالعها
عشان تقاليعها
مش "ع " الموضه
ولا فيش عودة..
بتربط بيني وبيني
حتى الجِبْس…
اللى اتعودت ارْسِمْنى عليه
مبقاش بيشُكّ
يمكن علشان انى باشُكّ
بكل ما فِيَّ
أو علشان
مبقيتش
أعيش

شعر الفصحى
شعر العامية
شعر الأغنية
الشعر الجاهلي
الشعر الإسلامي
الشعر العباسي
الشعر الاندلسي
الشعر النبطي
شعراء الطفولة
المرآة الشاعرة
دمــــوع لبنــان
المونولوج والفكاهة
فن الدويتو
مواهب شعرية
علم العروض
قالوا فى الحب
 
البحث
 
كلمة البحث:
بحث فى الشعراء
بحث فى القصائد