-------
مايجوزش عليه إلا الرحمه
زمن اللحمه
فاكر اخر مره ذبحنا
كان لنا حته نتفه يوم
كان فيه لحمه كده بالكوم
في القلقاس مرميه صحيحه
و بتتعصج في المفروم
اما ان كان ع الفرن الحاميه
فيها مرحرح طاجن باميه
واخد م الموزه المعلوم
و ده ميت مره في قعده قابلتوا
عرق فليتو
ياما شبعته من التهبيش
شوف دلوأتي بعدي قصاده
يعمل نفسه ميعرفنيش
اه يا زمن كان وش الفخده
يشتاق من ايدي الطلطيش
بقي اولها زي اخرها
سايق راخر في التطنيش
ناقص اني اعض في ذيلها
ولا ابوس طراطيف حوافرها
ولا عشانها اجيب حصاله
و ارجع تاني للتحويش