مستني فرحة من الزمن


لِسَّاك بتحلم بالسفينة
وبالسّفر
وتلم فتافيت المشاعر
من عينيك وتحطَّها
ف شنطة وداع
لسَّاك مكمٍّل جلد في الميِّت ..
ضياع..
وملون الصبح اللي جاي
بلون غروب ضحكة لقا
ارجع بقي
واحضن هواك
لسّاك هناك؟؟
بتجيب فطارك كل يوم
وتسيب عشاك
تمضغ همومك بين
سنان أمنيِّتك
تبلع حنينك
يتهضم جواك
مرار
العمر دار
والقلب مستني
القرار..
هتلم نبضك ع اللِّي فاضل
من تعب ..
وتضمهم على دمعتين
متحجرين فوق بسمتك
ومصبرينك
ع الشقا
وتروح تعيش؟
والَّلا الزمن هيلجمك
ويعلمك ترجع ..
مفيش


ارجع لنبضك
خلّي نبضك مطرحك
واهزم قصايد حزن
وايام تجرحك
هيفرّحك امتى الزمن؟؟
عمر الزمن
ما يفرّحك


دبي
8/10/2008