تابوت الليل وكام مسكين بيتوجع وكام مدفون مكفن بين تباريحه وكام ملاح بيستني وتبقي مكدبه ريحه وصرخه خوف وتبسيمه وناس نايمه وناس هايمه وناس عايمه علي الذكري وناس فاكره وناس ناكره وناس بتجد ومذاكره وناس تكره وناس بتموت ومستني ومتغني وباكي وخايف الوحده وايد مع ايد وايد واحده وشارع فاضي من همه وطفل بتحضنه امه وصمت وصوت نفْس عالي وموالي اللي انا سامعه بصوت مخنوق وديك يدن فيمشي الليل ويستني يعود تاني مطاريحه تابوت الليل وكام مسكين بيتوجع وكام مدفون مكفن بين تباريحه مجدي طه 21-9-2008
